الاثنين، 13 يونيو 2011

اخلاقنا يا شباب اهم بكتير من سياسيه

السلام عليكم ورحمه الله وبركاته

ازيكم شباب وبنات رجاله وستات اطفال كل ناس كل مصريين يارب تكونوا بخير بس كل الى عايزه اقوله ان تحولنا دلوقتى بق سوال مش اهلاوى ولا زملكاوى سوال بق انت ناصرى انت قومى انت ليبرالى انت اخوانى انت سلفى انت قرانى انت علمانى انت ليبرالى وكل يوم اسم جديد يخويا وشغلنا ومشكله كل طائفه او فصيل بيهاجم تانى والى يتهم تانى بالكفر والى يتهم تانى بالوهابيه
ايييييييييييييييييييييييييييييه


هيا هيصه ولاايه والله كل دول ولا يساوى حاجه عارفين لييه لانهم بيهاجموا بعض لضعفهم دول لو ليهم فسياسه يورونا اوراق عمل مشاريع خطط عشان نقول اه فصيل دهع ينفع يخش برلمان حزب ده كويس

يا جماعه الخير محتاجين نقيمكوا قدمولنا اعمال نقيمكوا عليها عشان نختار الى يمثلنا فى البرلمان

لان الى بتعملواه بصراحه من ضعفكم

وناس بق واخد موضوع لب وسودانى يقله شفت علمانين ولاد .......
اصلهم مساونين اساسا والى يقلك شوف الاخوان اصلهم تبع ايران خد بالك
والى يقلك بس سلفيين اصلهم تبع سعوديه
والى والى والى

كل ده ناس بسيطه بتقوله وبتردده وواخده حكايه لب وسودانى


حد فكر نصلح الاخلاق ازاى
حد فكر نصلح التعليم ازاى
حد فكر ناس تحب بعضها وتخاف على بعضها والاتعاملات اليوميه تبق كويسه وقايمه على الاحترام
حد فكر ازاى نغير من طبعنا وعاداتنا السيئه
حد فكر فى بناء مصر

ولا هوا كلام وخلاص ومفيش خطط

حبيت بس اتكلم عن الاخلاق
يا جماعه الخيرالسلام عليكم دلوقتى لو قلتها لحد فشارع

حاجه من اتنين هيقول عليكى متشدد
او هيبصلك بقرف
وطبعا فى الى بيرد والحمد لله ان فى حد بيرد

قال النبي صلى الله عليه وسلم: "والذي نفسي بيده لا تدخلون الجنة حتى تؤمنوا ولا تؤمنوا حتى تحابوا، الا أدلكم على شيء اذا فعلتموه تحاببتم، افشوا السلام بينكم تحابوا" رواه احمد ومسلم وابو داود والترمذي وابن ماجة عن ابي هريرة.

يا جماعه الخير احنا لما نصلح الاخلاق ويبق الاحترام متبادل بينا

مثلا لو انا طالب صحيت صبح فى هدوء وبيت بيعملنى كويس وبحب
نزلت لقيت موصله محترمه وناس بيضحكوا فى وش بعض
ورحت مدرسه او جامعه قمه الاحترام متبادل بين طالب ومعلم

اكيد هبدع وهبق منتج ووهشتغل وهحب شغلى كمان

""""" اشعروا الناس بادميتهم ثم اطلبوا منهم العمل وبناء المستقبل"""""""


اليابان لما انضربت يا جماعه بزلزال وتسونامى يعنى اخطر من الى مصر شافته ايام ثوره ولسه بنعانى منه

سواء فى الامن او فى الاقتصاد او اى حاجه

ناس هناك فى اليابان قاللهم بعد اذنكوا بس محتجين ساعه زياده فى عمل بدون اجر من كل واحد
شعب متحضر قالهم ساعه بس خدوا اربع خمس ساعات

يجماعه احنا محتيجن نتغير ذاتيا عشان نغير خارجيا

وبعيدن فى شمكله بناعانى منها هوا دينا زى فيديو الى هتشفوه احنا حبسينه فى مسجد وفى لحيه وفى لبس
اكيد ده عباده بس
الدين المعامله
الدين اخلاق
محتاجين عبادات + اخلاق وتعاليم الدين


حبيت احط فيديو ده للناس يمكن يكون سبب فى تغيير




لو محدش قال شكرا على بوست عليه مخالفه

فى كل بوست هنتكلم شويه وبعدين ننزل فيديو لبرنامج خواطر

ويبق علينا واجب عملى

وجبنا العملى دلوقتى

اننا نفذ الفيديو بين اهلنا وصحبنا ونحاول نغير ولو جزء من الواقع
بس محتاجين واحنا بنعمل خطه الفيديو نعملها بحب ونيه تغيير واقع
ونيه تكون لله
ويكون الابتسامه والهدوء واسلوب محترم

اشوفكم مره جايه ويارب مصر ديما بخير

سلام

ليست هناك تعليقات: